En occitan parlat òm compta per 12, valent a dire qu’aprèp miègjorn òm tòrna a 1 ora.
Per anonciar l’ora cal far l’acòrd al plural se cal amb lo vèrb puèi amb ora :
01h00 o 01:00 : es una ora
02h00 o 02:00 : son doas oras
12h00 e 00h00 an un nom especial :
12h00 miègjorn
00h00 mièjanuèch o mièjanuèit pels noms mai comuns, mas i a tanben localament per èsser complèt :
mièjanuòch, mièjanèit, mièjanèt, mièjanèch
Las oras aprèp miègjorn se dison en apondent una indicacion per que siá pas ambigú amb las oras del matin :
13h00 se dirà : es una ora de l’aprèp-dinnar
14h00 se dirà : son doas oras de l’aprèp-dinnar
15h00 se dirà : son tres oras de l’aprèp-dinnar
Adaptar aprèp-dinnar en après-dinnar segon lo luòc e son biais de dire « aprèp ». Se tròba tanben « aprèp merende » al nòrd del domeni lingüistic.
A partir de 16h00 òm utiliza « del vèspre » :
16h00 se dirà : son quatre oras del vèspre
Se pòt tanben utilizar « de la vesprada ».
A comptar de 20h òm utiliza « del ser » o « lo ser »
20h00 se dirà : son uèch oras del ser
varianta : son uèit oras del ser
21h00 se dirà : son nòu oras del ser
A partir de 22h òm utiliza « de la nuèch » o « la nuèch » dusca mièjanuèch
22h00 se dirà : son dètz oras de la nuèch
variantas : son dètz oras de la nuèit, son dètz oras de la nuòch, son dètz oras de la nèit, son dètz oras de la nèt, son dètz oras de la nèch
Las minutas
Abans 30 se ditz simplament lo nombre de minuta amb lo cas especial seguent :
xxh15 se ditz pas « quinze » mas se ditz : e quart
8h15 se legís : son uèch oras e quart
Arribat a 30 òm utiliza « e mièja »
9h30 s’anóncia : son nòu oras e mièja
7h30 se ditz : son sèt oras e mièja
Amb miègjorn e mièjanuèch òm deu utiliza «e mièg»
12h30 : es miègjorn e mièg
00h30 : es mièjanuèch e mièg
varianta : « e mèg » en carcinòl notadament.
Après 30 òm compta las minutas que mancan per arribar a l’ora seguenta sens oblidar que 12h et 00h00 an un nom espcial :
8h45 se dirà : son nòu oras manca un quart
17h35 se dirà : son sièis oras manca vint e cinc
11h40 se dirà : es miègjorn manca vint
23h10 se dirà : es mièjanuèch manca dètz
L’expression francesa « il fait nuit » e « il fait jour » se dison en occitan amb lo vèrb èsser : « fa nuèch » e « fa jorn » coma dins l’expression « deman farà jorn ».