Cada annada causirem un títol per indicar los objectius que seguirem. Ongan lo títol es « Practicar l’occitan en mitan ostil ».
Explicacion del títol
Ostil per dire, pas favorable. Lo mitan es lo quadre juridic, las gents pas sensibilizadas a las lengas minorizadas, los qu’estiman mai lo monolingüisme, las causidas que permetan pas d’escriure, parlar, en occitan d’un biais natural o aisit. Pendent totas l’annada sortirem d’aisinas o servicis en linha per ajudar la lenga. Seretz plenament implicats en los utilizant, los partejant, los melhorant.
Quadre juridic
Pendent l’annada seguirem las evolucions que tòcan las lengas, las leis e las paraulas dels elegits
Tecnologic
La tecnologia e lo biais qu’es utilizada pòt favorizar l’escritura en occitan o far venir complicada aquesta activitat. Ensajarem d’ajudar los locutors a aprofechar de l’informatica en occitan
Ambient social
Saber qué respondre es pas totjorn aisit, per resòlver aqueste problèma metèm a disposicion un article d’auto-defensa. Los legeires son convidats a ajudar a lo garnir de responsas e de fonts per donar de pes a las responsas.
S’avètz d’idèas de problèmas que se pòt resòlver amb l’informatica nos podètz escriure per dire de trobar un biais de realizar un desvolopament. Gardatz pel cap que tot lo trabalh fornit sus aqueste site es benevòl.