Conferéncias àudios
Mumble es una aisina fòrça utilizada dins lo mitan dels jogaires en linha perque permet de se parlar en jogant. Fornís una fòrça bona qualitat àudio gràcia al codec Opus e requerís pas gaire de debit. Per l’utilizar vos cal doas causas : un servidor que vos fisatz e un logicial compatible Mumbre.
Vaquí unes servidors :
- Le PIC : associacion tolosenca amb un servidor albergat dins la vila mondina https://audio.le-pic.org/
- Framasoft : associacion lionesa per la promocion de la cultura liura.
Las doas associacions fornisson una interfàcia web per vos evitar d’aver d’installar un logicial. Pel moment lo logicial oficial Mumbre e l’interfàcia son pas encara disponibles en occitan, es una òbra en cors.
Un còp connectat al servidor Mumble podètz crear una sala de discussion, la nomenar e la protegir amb un senhal se volètz. Las doas associacions listadas explican las diferentas etapas per aquò far. L’avantatge màger de Mumble es de poder aculhir un molon de monde al meteis temps estant que requerís paucas ressorsas de calcul e de ligason Internet. Se sètz per aver d’àudio conferéncias sovent, aconselhem de crompar un microfòn extèrn, se’n tròba per mens de 30€ amb una qualitat pro bona.
Conferéncias vidèos
Per vòstras vidèo-conferéncias podètz utilizar una instància Jitsi Meet. L’albergaire web Scaleway provesís d’instàncias : https://ensemble.scaleway.com/. Se pòt metre l’interfàcia de jitsi Meet tot en occitan.