Carta règlas e licéncias

Atril es un logicial liure ; lo podètz tornar distribuir e/o lo modificar segon los tèrmes de la licéncia publica generala GNU, coma es publicada per la Free Software Foundation ; version 2 de la licéncia, o (se volètz) tota version seguenta.

Atril es distribuit dins l'espèr que serà utile, mas SENS CAP DE GARANTIDA ; sens la quita garantida implicita de COMERCIABILITAT o DE CONFORMITAT A UNA UTILIZACION PARTICULARA. Vejatz la Licéncia Publica Generala GNU per mai de detalhs.

Deuriatz aver recebut una còpia de la Licéncia Publica Generala GNU al meteis temps qu’Atril ; s'es pas lo cas, escrivètz a la Free Software Foundation, Inc., 51 Franklin Street, Fifth Floor, Boston, MA 02110-1301 USA

Avís legal
Autorizacion vos es donada de copiar, distribuir e/o modificar aqueste document segon los tèrmes de la Licéncia GNU Free Documentation License (GFDL), Version 1.1 o ulteriora publicada per la Free Software Foundation sens seccion inalterabla, sens tèxt de primièra pagina de cubèrta ni tèxt de darrièra pagina de cubèrta. Trobaretz un exemplari de la GFDL en seguissent aqueste ligam o dins lo fichièr COPYING-DOCS provesit amb lo present manual. Aqueste manual fa part de la colleccion de manuals de MATE distribuits jols tèrmes de la licéncia de documentacion liura GNU. Se volètz distribuir aqueste document a despart de la colleccion, o podètz far en ajustant un exemplar de la licéncia al manual, coma indicat a la seccion 6 de la licéncia. La màger part dels noms utilizats per las entrepresas per distinguir lors produches e servicis son de marcas depausadas. Quand aqueles noms apareisson dins la documentacion MATE e que los membres del projècte de Documentacion MATE son informats de l’existéncia d’aquelas marcas depausadas, siá aqueles noms entièrs, siá lor primièra letra es en majuscula.
LOS DOCUMENTS E LAS VERSIONS MODIFICADAS D’AQUESTE DOCUMENT SON FORNITS JOLS TÈRMES DE LA LICÉNCIA DE DOCUMENTACION LIURA GNU ESTANT QUE :

1. LO DOCUMENT ES PROVESIT « TAL COMA ES » SENS CAP DE GARANTIDA DE QUIN TIPE QUE SIÁ, EXPLICITA O IMPLICADA, AQUÒ INCLUTZ, SENS CAP DE LIMIT, LAS GARANTIDAS QUE LO DOCUMENT O UNA VERSION MODIFICADA NON AJA PAS CAP DE DEFAUT, QUE SIÁ COMERCIABLE, QUE SIÁ ADAPTAT PER UN USATGE PARTICULAR O QUE ENFRANGA PAS LA LEI. TOT LO RISC RESPÈCTE A LA QUALITAT, L’EXACTITUD O LAS QUALITATS TECNICAS DEL DOCUMENT O DE SAS VERSIONS MODIFICADAS ES VÒSTRE. SE PER CAS LO DOCUMENT O UNA VERSION MODIFICADA S’AVERÈSSE DEFECTUÓS AL RESPÈCTE DE QUIN ASPÈCTE QUE SIÁ, VOSAUTRES (NON PAS LO REDACTOR INICIAL, L’AUTOR O QUIN CONTRIBUIDOR QUE SIÁ) ASSUMISSÈTZ LO CÒST DE TOTA MANTENENÇA, REPARACION O CORRECCION NECESSÀRIA. AQUESTA DESCARGA DE GARANTIDA CONSTITUÍS UNA PART ESSENCIALA D’AQUESTA LICÉNCIA. CAP D’UTILIZACION D’AQUESTE DOCUMENT O VERSION MODIFICADA ES AUTORIZADA LEVAT JOS AQUESTA DESCARGA DE GARANTIDA E
2. EN CAP DE CIRCONSTÀNCIA E JOS CAP D’INTERPRETACION LEGALA, QUE SIÁ DE RESPONSABILITAT CIVILA (NEGLIGÉNCIA INCLUSA), CONTRACTUALA O AUTRA, L’AUTOR, LO REDACTOR INICIAL, TOT CONTRIBUIDOR E TOT DISTRIBUIDOR D’AQUESTE DOCUMENT O DE SA VERSION MODIFICADA NI CAP DE PROVESIDOR D’AQUESTES PARTS SERÀN PAS RESPONSABLES AL RESPÈCTE DE QUIN DAMATGE DIRÈCTE, INDIRÈCTE, ESPECIAL O ACCIDENTAL QUE SIÁ DE TOT TIPE E TANBEN, SENS LIMITACION, LOS DAMATGES LIGATS A LA PÈRDA DE CLIENTÈLA, LAS INTERRUPCIONS DE TRABALH, ALS DEFALHIMENTS E DISFONCIONAMENTS INFORMATICS O TOTA AUTRA PÈRDA LIGADA A L’UTILIZACION DEL DOCUMENT E DE SAS VERSIONS MODIFICADAS, ATAL METEIS S’AQUESTES PART ÈRAN AVISATS DE LA POSSIBILITAT D’AQUESTES DAMATGES.

# LICÉNCIA PUBLICA SIATZ PAS UNA COLHA
> Version 1.1, Decembre 2016
> Copyright (C) 2022 Quentin PAGÈS
Tot lo monde a lo drech de copiar e distribuïr còpias identicas o modificadas d’aqueste document de licéncia.
> LICÉNCIA PUBLICA SIATZ PAS UNA COLHA
> TÈRMES E CONDICIONS PER LA CÒPIA, DISTRIBUCION E MODIFICACION
1. Fasètz çò que volètz amb l’òbra originala, levat èsser una colha.

Èsser una colha significa - sens cap de limitacion - fa part dels cases seguents :

1a. La violacion complèta dels dreches d’autor - Copietz pas sonque l’òbra per ne cambiar lo nom.
1b. La venta de l’òbra originala sens cap de modificacion, aquò es vertadièrament èsser una colha.
1c. La modificacion de l’òbra originala per i inclure de contengut amagat e perilhós. Seriá èsser una colhassa.

2. Se venètz pro ric gràcia a de modificacions, de trabalhs o servicis ligats o basats sus l’òbra originala, partejatz l’amor. Sonque una colha fariá d’argent amb aquesta òbra sens pagar una mièja al creator de l’òbra originala.

3. Lo còdi es provesit sens cap de garantida. Utilizar lo còdi de qualqu’un mai e romegar quand fonciona pas fa de vos una colha de las grandas. Reglatz lo problèma. Un non-pèc enviariá un correctiu en retorn.

Scratch es una comunautat amistosa e aculhenta per totes, ont las personas crèan, partejan e aprenon amassa. Aculhissèm de personas de tot atge, raça, etnia, religion, capacitat, orientacion sexuala e identitat de genre.
Ajudatz a manténer Scratch coma un espaci aculhent, solidari e creatiu per a totes en seguissent aquestes règlas de la comunautat :

Tractatz tot lo monde amb respècte.
Los Scratchaires an de divèrs viscuts, interèsses, identitats e experiéncias. Tot lo monde sus Scratch es encoratjat a partejar de causas que los apassionan e que son importantas per eles — esperam que trobatz de biais de celebrar vòstra pròpria identitat sus Scratch, e que permetètz als autres de far çò meteis. Es pas jamai plan d'atacar l'identitat d'una persona o d'un grop o d'èsser marrit amb qualqu'un a prepaus de son origina o d'interèsses.

Siatz atencion : gardatz las informacions personalas e de contacte privadas.
Per de rasons de seguretat, donetz pas cap d'informacion que poiriá èsser utilizada per una comunicacion privada, en persona o en linha. Aquò inclutz lo partatge de noms de familha reals, de numèros de telefòn, d'adreças, de vilas natals, de noms d'escòla, d'adreças de corrièl, de noms d'utilizaire o de ligams cap a de sites de mèdias socials, d'aplicacions de chat vidèo, o de sites web amb de foncionalitats de messatjariá privada.

Fasètz de retorns.
Tot lo monde sus Scratch apren. Quand comentatz un projècte, sovenètz-vos de dire quicòm que vos agrada a prepaus d'aquò, de prepausar de suggestions, e d'èsser manhac, pas critic. Mercés de gardar los comentaris respectuoses e d'evitar de corrièrs indesirables o de publicar de corrièrs en cadena. Vos encoratjam a ensajar de causas novèlas, a experimentar e a aprendre dels autres.

Acceptatz la cultura de la mescla.
Lo remix es quand bastissètz suls projèctes, lo còdi, las idèas, los imatges o tot çò que parteja sus Scratch qualqu'un per far vòstra pròpria creacion unica. Lo remix es un biais excellent de collaborar e de s’amassar amb d'autres Scratchaires. Sètz encoratjat a utilizar tot çò que trobatz sus Scratch dins vòstras pròprias creacions, tant que provesissètz de crèdit a totes los pel trabalh qu’utilizatz e que ne fasètz un cambiament significatiu. E quand partejatz quicòm sus Scratch, donatz la permission a totes los Scratchaires d'utilizar vòstre trabalh dins lors creacions, tanben.

Siatz onèste.
Es important d'èsser onèste e autentic quand interagissètz amb d'autres sus Scratch, e de se remembrar qu'i a una persona darrièr cada compte Scratch. Difusar de rumors, se far passar per d'autres Scratchers o celebritats, o far semblant d'èsser grèvament malaut es pas respectuós per la Comunautat Scratch. Ajudatz a gardar lo site amistós.
Es important de gardar vòstras creacions e convèrsas amistosas e apropriadas per tot atge. Se pensatz que quicòm sus Scratch es malvolent, insultant, tròp violent, o autrament perturbator per la comunautat, clicatz sus « Senhalar » per nos o far saber. Mercés d'utilizar lo boton « Senhalar » puslèu que de vos implicar dins de pelejas, de difusar de rumors sul compòrtament d'autras personas, o de respondre a quin contengut que siá inapropriat. L'equipa de Scratch agacharà vòstre senhalament e prendrà la mesura apropriada.

Politica de confidencialitat de Mastodon

Quinas informacions collectem ?

Collectem informacions sus vos quand vos marcatz sus nòstre site e juntem las donadas quand participatz a nòstre forum ne legissent, escrivent e notant lo contengut partejat aquí.

Pendent l’inscripcion podèm vos demandar vòstre nom e adreça de corrièl. Podètz çaquelà visitar nòstre site sens vos marcar. Verificarem vòstra adreça amb un messatge donant un ligam unic. Se clicatz sul ligam sauprem qu’avètz lo contraròtle de l’adreça.

Quand sètz marcat e que publicatz quicòm, enregistrem l’adreça IP d’origina. Podèm tanben salvagardar los jornals del servidor que tenon l’adreça IP de totas las demandas fachas al nòstre servidor.

Qué fasèm de vòstras informacions ?

Totas las informacions que collectem de vos pòdon servir dins los cases seguents :

• Per personalizar vòstre experiéncia — vòstras informacions nos ajudaràn a respondre melhor a vòstres besonhs individuals.
• Per melhorar nòstre site — nos esforcem de longa a melhorar çò que nòstre site ofrís segon las informacions e los comentaris que recebèm de vòstra part.
• Per melhorar nòstre servici client — vòstras informacions nos ajudan per respondre amb mai eficacitat a vòstras demandas d’assisténcia.
• Per enviar periodicament de corrièls — Podèm utilizar l’adreça qu’avètz donada per vos enviar d’informacions e de notificacions que demandatz tocant de cambiaments dins los subjèctes del forum o en responsa a vòstre nom d’utilizaire, en responsa a una demanda, e/o tota autra question.

Cossí protegissèm vòstras informacions ?

Apliquem tota una mena de mesuras de seguretat per manténer la fisança de vòstras informacions personalas quand las picatz, mandatz, o i accedètz.

Quala es vòstra politica de conservacion de donadas ?

Farem esfòrces per :

• Gardar los jornals del servidor que contenon las adreças IP de totas las demandas al servidor pas mai de 90 jorns.
• Gardar las adreças IP ligadas als utilizaires e lors publicacions pas mai de 5 ans.

Empleguem de cookies ?

Òc-ben. Los cookies son de pichons fichièrs qu’un site o sos fornisseires de servicis plaçan dins lo disc dur de vòstre ordenador via lo navigador Web (Se los acceptatz). Aqueles cookies permeton al site de reconéisser vòstre navigador e se tenètz un compte enregistrat de l’associar a vòstre compte.

Empleguem de cookies per comprendre e enregistrar vòstras preferéncias per vòstras visitas venentas, per recampar de donadas sul trafic del site e las interaccions per fin que posquem ofrir una melhora experiéncia del site e de las aisinas pel futur. Pòt arribar que contractèssem amb de fornisseires de servicis tèrces per nos ajudar a comprendre melhor nòstres visitors. Aqueles fornisseires an pas lo drech que d’utilizar las donadas collectadas per nos ajudar a menar e melhorar nòstre afar.

Divulguem d’informacions a de partits exteriors ?

Vendèm pas, comercem o qualque transferiment que siasque a de partits exteriors vòstras informacions personalas identificablas. Aquò inclutz pas los tèrces partits de confisança que nos assistisson a menar nòstre site, menar nòstre afar o vos servir, baste que son d’acòrd per gardar aquelas informacions confidencialas. Pòt tanben arribar que liberèssem vòstras informacions quand cresèm qu’es apropriat d’o far per se sometre a la lei, per refortir nòstras politicas, o per protegir los dreches, proprietats o seguretat de qualqu’un o de nosautres. Pasmens es possible que mandèssem d’informacions non-personalas e identificablas de nòstres visitors a d’autres partits per d’utilizacion en marketing, publicitat o un emplec mai.

Ligams de tèrces partits

Pòt arribar, a nòstra discrecion, qu’incluguèssem o ofriguèssem de produches o servicis de tèrces partits sus nòstre site. Aqueles sites tèrces an de politicas de confidencialitats separadas e independentas. En consequéncia avèm pas cap de responsabilitat pel contengut e las activitats d’aqueles sites ligats. Pasmens cerquem de protegir l’integritat de nòstre site e aculhèm los comentaris tocant aqueles sites.

Conformitat amb la lei de proteccion de la confidencialitat dels mainatges

Nòstre site, nòstres produches e servicis son totes destinats a de monde d’almens 13 ans. S’aqueste servidor se tròba en los Estats Units per acontentar las exigéncias del COPPA (Children's Online Privacy Protection Act) utilizetz pas aqueste site.

Politica de confidencialitat en linha solament

Aquesta politica de confidencialitat s’aplica pas qu’a las informacions collectadas via nòstre site e non pas a las informacions collectadas fòra linha.

Vòstre consentiment

N’utilizant nòstre site, consentètz a nòstra politica de confidencialitat.

Modificacions dins nòstra politica de confidencialitat

Se decidissèm de cambiar nòstra politica de confidencialitat, publicarem los cambiaments sus aquesta pagina.

Aqueste document es jos licéncia CC-BY-SA. Darrièra mesa a jorn lo 31 de mai de 2013

Prima adaptacion de la politica de confidencialitat de Discourse.