Sètz a un clic d’ajudar la lenga occitana
logotipe de Mejans

Corrector

Segon la configuracion de l’ordenador pòt èsser malaisit de picar un tèxt en occitan en voler la correccion automatica.


Categoria : Aisinas
3 minutas de lectura
Pròva de concèpte

Far respectar la causida lingüistica d’una persona es pas totjorn facil dins un monde globalizat. Las entrepresas pensan d’en primièr als grands grops de lengas per tocar un larg public. Aquò explica que sens realizar cap d’esfòrç nos trobem amb un aparelh que conten pas la lenga occitana. Mas de solucions existisson per ajustar nòstra lenga.

Correccion en linha

L’idèa del Corrector èra de fornir una pagina web amb un corrector ortografica que se podiá salvagardar a l’ordenador e lançar per verificar un tèxt.
Amb un script JavaScript e amb l’ajuda d’un diccionari occitan podèm arribar a un Pròva de Concept, pas mai. Efectivament, fòra l’ortografia, cal tanben prendre en compte los plurals, los masculins, los feminins, los diminitius. Pel moment aqueste script amb lo diccionari utilizat pòdon pas ajudar mai que de dire «aquel mot se tròba al diccionari».

L’aprèp

Lo projècte s’arrèsta pas aquí estant que l’objectiu de l’annada es de provesir d’aisinas per practicar l’occitan en mitan ostil. Aquesta idèa de correccion ortografica pel monde que pòdon pas installar res suls seus ordenadors serà ajustada a un autre projècte mai grand que deuriá espelir a la fin de l’annada.

Apercebut

Se volètz ja veire a qué semblarà lo mini site podètz utilizar lo boton çai-jos.